شو يعني منحة
كيف الجميع
شو اخباركم ❤️❤️
و كيف التقديم ع المنح 😍❤️
اقتربنا من فترة افتتاح المنح الضخمة بصراحة.. و في ناس كتير جدد و ما بيعرفو تماما من وين يبلشوا
رح اكتب هيدا المقال بالتفصيل عن المراحل اللي رح تحتاجوا تمروا فيها
بس ارجوووكم تحملوني البوست طويل شوي 😂❤️
شو هنن المنح..
شو يعني منحة...
المنح هيي اسلوب تبادل ثقافي..
بتروح بفيزا دراسية.. على جامعة معينة... مشان تدرس هنيك و تاخد الشهادة و تتعلم كتير من البلد اللي رايح عليها
ركز معي المنحة مانها هروب من البلد
المنحة مانها سياحة و سفر
المنحة مانها سبيل ل مين ما كان....
في كتير منح إذا ما شافت نجاحك بأول فصل يفصلوك من المنحة و تتبهدل هنيك
في كتير منح بتشترط التفوق الدراسي أثناء المنحة...
و اغلب المنح بتشترط رجعتك ع بلدك بعد المنحة...
ف ما كتير نفكر زيادة بانو رح نستقر هنيك و نبني عيلة و اولاد 😅😅❤️❤️
هلق منجي ل أنواع المنح...
عنا منح دراسية كاملة، منح جزئية، و منح تكاليف الدراسة فقط
المنح الكاملة.. بتكون الجهة الممولة مستعدة تدفعلك كلشي..من تكاليف السفر.. ل تكاليف الفيزا
و هنيك تكاليف الدراسة و المواصلات و السكن و حتى راتب شهري منيح كمان...
التكاليف الجزئية...
بتكون بتغطي جزء من تكاليف الدراسة
و منحة تكاليف الدراسة واضحة من اسمها..
فقط تكاليف الدراسة..يعني السفر ممكن يحتاج منك حساب بنكي أو وكيل تضمن انك قادر تصرف ع حالك هنيك...
هلق مين عم يقدم هيدي المنح...
في منح جامعية و منح مؤسساتية و منح دولية
الجامعية بيكون فيها عدد مقاعد صغير و متطلبات عالية شوي و بتكون مفتوحة للطلاب الدوليين و الطلاب المحليين ف فرضنا فيها شوي قليلة
و بتكون موجودة بكل جامعات العالم تقريبا....كل جامعة فيها منحة مقعد ت. مقعدين هيك....
المنح المؤسساتية هيي نوع من انواع التهرب الضريبي عن طريق تأدية خدمات مجتمعية
ف مثلا بيكون في مؤسسة أو شركة بتعمل منحة موجهة ل مجموعة معينة من الطلاب سواء من ناحية الجنسية أو العرق أو أو..
و هدول مقاعد اكتر بس بدها شغل منيح ل نثبت اننا مؤثرين بالمجتمع
متل منحة سعيد و آغا خان و لطيفة رباني و غيرها
هلق هيدي عدد مقعدها أكبر من الجامعية بس أقل من الدولية...و كتير بيهمن الطالب يكون كامل مكمل... عضو فعال بالمجتمع...
منح دولية
متل الداد الألمانية و ميكست اليابانية و الصينية و الهندية و الكورية و تشيفينينغ البريطانية و الهولندية و غيرها
هي بتاخد اعداد كبيرة شوي بس بيتراوح الراتب ب نسب متفاوتة و بدنا ناخد بعين الاعتبار العلاقات الدبلوماسية بين هالبلد و بين سورية
في منها المميز جدا متل الداد و ميكست و رواتب بتتراوح بين ١٠٠٠ ل ١٥٠٠ دولار..
و في منها المنح المتوسطة بين ٣٠٠ و ٥٠٠ دولار
و في منها منح الأعداء الهائلة.. متل منحة الهند الألفية من كم سنة اللي راتبها يا دوب ٩٠ دولار، و المنحة الروسية اللي راتبها ٢٠ دولار...
مارح طول المقال اكتر من هيك...
و رح اعمل مقال تاني️ خاص بالأوراق اللي لازم نجهزها..
و الأشياء اللي ممكن تعملها مشان نرفع نسبة قبولنا بالمنح الدراسية بشكل عام ❤️
و شو هيي أهم المنح الكبيرة اللي عم تفتح بشكل سنوي ❤️
وموفقين يارب ❤️
