الفرق بين المنحة و بين القبول الجامعي وكيفية تحصيل قبول جامعي

المقال التاني اللي وعدتكن فيه...

اول شي شو الفرق بين المنحة و بين القبول الجامعي...

القبول الجامعي هو وقت تختار جامعة عاجبتك

سواء بكالوريوس أو ماجستيرو تقرر تقدم عليها مشان يبعتو لك قبول انك أهدت مقعد عندن..

كيف منقدم على الجامعات حتى نحصل قبول؟؟؟

- بتدخل ع موقع الجامعة

- بتفتح تبويبة study

- بتختار postgraduate taught إذا حابب ماجستير تدرسي 

- أو بتختار undergraduate إذا بكالوريوس.. 

- بيطلعلك مجموعة كورسات مع مربع للبحث

- بتكتب كم حرف من اختصاصك

- بيطلعلك البرامج المتعلقة باختصاصك

- بتختار البرنامج اللي بيناسبك و بتفتح عليه

- بعد ما تتأكد انو ال requirements بتنطبق عليك بتختار تبويبة apply

- بيطلعلك اما ضمن موقع الجامعة نفسو أو ضمن portal تابعة للجامعة صفحة جديدة بدك تعمل عليها حساب

- بتحط ايميلك و كلمة سر جديدة و بيبعتولك ايميل تأكيد انو صار عندك حساب ضمن الجامعة

- بتفتح الحساب و بتبلش تمشي بخطوات التسجيل خطوة خطوة

- معلوماتك الشخصية

- معلوماتك العلمية و العملية

- و بتحمل الوثائق و المستندات

- و بتكتب ال personal statement

- و بتعمل submit

- و بتنطر ايميل من الجامعة...

اول شي بكل جامعة بيختلف المعدل المطلوب حسب البلد

مثلا بتفوت ع جامعة نوتينغهام

بتختار الاختصاص اللي بدك ياه

بتفوت ع ال entry requirements 

بتشوف عند المعدل المطلوب مكتوب حسب البلد 

مثلاCounty requirements

بتختار سورية

بيطلعلك انو ال 2:1 higher upper degree هيي بتعادل ٧٠٪ بالجامعات العامة و ٨٠٪ بالجامعات الخاصة

و 2:2 second upper degree هيي ٦٠٪ جامعات عامة و ٧٠٪ جامعات خاصة

هلق ب غير جامعات بيقلولك لا هيي ٧٥و قس على ذلك

بعض الجامعات بتطلب معدل تراكمي، لحساب المعدل التراكمي مطلوب منك تعرف عدد ساعات كل مقرر و علاماتك بكل مقرر و كم مقرر عندك بالفصل و غيرو و غيراتو... 

بس في طريقة تقريبية نوعا ما ظابطة... 

يعني من ٤بتقسم معدلك المئوي ع ٢٠ و بتطرح ١ من الناتج..

هلق هل رح نضطر ندفع نحنا و عم نسجل ع الجامعات أو لا؟؟؟ ؟

هلق اغلب الجامعات التسجيل فيها مجاني... يعني متل ما حكينا فوق و خالصين...

بس للأسف في كتير جامعات ممكن تطلب منك application fees بيكون بيتراوح بين ٢٠ ل ١٠٠ دولار احيانا 

بسسس مشان يقبلوا طلب تسجيلك و ممكن بقولك بالنهاية و ممكن لا... 

هون بيجي دور المراسلات.. بتدور ع ايميل مكتب الطلاب الدوليين International office

أو مكتب القبول admission committee

بتبعت ايميل رسمي بتحكي فيه انو مافي مجال للدفع الإلكتروني من سورية بسبب العقوبات الاقتصادية المفروضة على سورية من قبل الولايات المتحدة الأمريكية

و ارفق بالايميل روابط تأكيد هذه العقوبات

و اطلب رفع تكاليف الطلب اللي اسمو Application fees waiver

و انطر خبر منن، وغالبا بيزيحو التكاليف للطلاب السوريين ❤️🙏